|
Biz har doim ishga ulgurmayotganimizdan norozi bo’lamiz, ko’nglimiz
to’lmaydi. Vaqt yetishmasligidan arz qilamiz. Quyida berilgan oltin
qoidalar sizni kunlik ishnigizni unumli bo’lishda, qancha vaqtdan beri
ulgurmayotgan ishlaringizga ulgurishingizda ko’maklashadi.
Oltin qoidalar
- Yaxshi mehnat ko‘nikmasi: o‘z ish stolingizni hozir hal qiladigan muammoga aloqador bo‘lmagan barcha qog‘ozlardan bo‘shating.
Turli-tuman masalalarga doir qog‘ozlar bilan qalashib yotgan yozuv
stolini bo‘shatib, faqat zudlikda hal etilishi zarur bo‘lgan qog‘ozlarni
qoldirgan kishi o‘zini ishi yengil va samarali deb hisoblaydi.
Agar siz Vashingtondagi kongress kutubxonasiga kirsangiz, shiftda
yozilgan so‘zlar diqqatingizni tortadi. Bu so‘zlar shoir Popga
tegishlidir: «Tartib - koinotning birinchi qonuni». Tartib shu tarzda
ish fao¬liyatining ham birinchi qo¬nuni bo‘lishi kerak. Aslida
shundaymi? Yo‘q, o‘rtacha ishbilarmonning stolida qog‘ozlar qalashib
yotadi, hafta davomida unga bir bor qarashga ham fursat topmaydi.
Haqiqatdan ham, Yangi Orleon gazetasi noshiri menga bir paytlar gapirib
berishiga ko‘ra, uning kotibasi stollardan birini tartibga keltira
turib, ikki yil avval yo‘qolgan yozuv mashinkasini topib olgan ekan!
Javobsiz xatlar, ma'ruza va esdalik yozuvlari bilan to‘lib-toshgan
stolning birgina ko‘rinishi ham sarosimalik, asabiy taranglik va
bezovtalikka sabab bo‘ladi. Lekin hali «millionlab ijro etilmagan ishlar
hamda ularni bajarish uchun vaqt yetishmasligi haqida» hadeb
eslayverishning o‘zi sizda faqat ruhiy taranglik va charchoqni emas,
balki qon bosimi oshishi, yurak faoliyatining buzilishi va oshqozon
yallig‘lanishiga sabab bo‘lishi mumkin. - Ajoyib mehnat ko‘nikmasi: ishni ahamiyatiga qarab tartib bilan bajaring.
Shaharlararo xizmat ko‘rsatuvchi umummilliy kompaniya asoschisi Genri
L.Doxerti aytganidek, qanday maosh to‘lanmasin, ikki qobiliyat unga
deyarli aniqlanmaydiganday bo‘lib tuyulgan.Gap ikki qimmatli qobiliyat
to‘g‘risida bormoqda: birinchidan, fikr yuritish qobiliyati,
ikkinchidan, ishning zarurligiga qarab bajarish qobiliyati.
Charlz Lakman, bu yigit hech narsasi bo‘lmay turib, o‘n ikki yil
davomida «Pepsodent» kompaniyasi prezidenti lavozimigacha ko‘tarildi.
Har yili yuz ming dollar oladigan, shu bilan birga yana million dollar
ishlaydigan bu yigit aytadiki, mazkur muvaffaqiyatlarning ko‘piga, Genri
L.Doxerti so‘zlariga ko‘ra, hech qachon topib bo‘lmaydigan ana shu ikki
qobiliyat tufayli erishgan. Charlz Lokman shunday deydi: «Men anchadan
beri har kuni ertalab soat beshda turishni odat qildim, chunki bu paytda
bosh¬qa vaqtga nisbatan yaxshiroq o‘ylayman, shu davrda men yaxshi
o‘ylab va ma'qul tarzda rejalashtiraman, ishning zarurligiga qarab reja
tuzaman». - Ajoyib mehnat ko‘nikmasi: agar oldingizda biror muammo
ro‘baro‘ kelsa, uni tezlikda hal eting, qarorni qabul qilish uchun
dalillar yetarli bo‘lsa, qarorni orqaga tashlamang.
Sobiq tinglovchilarimdan biri, hozir marhum X.P.Xauellning menga hikoya
qilishiga ko‘ra, u «Yu.S.stil» po‘¬lat quyish kompaniyasi bosh¬qaruvi
a'zosi bo‘lgan paytida kompaniya majlislari ko‘pincha cho‘zilib ketgan.
Unda juda ko‘p muammolar muhokama etilgan va qarorlar kam qabul
qilingan. Natijada boshqaruv a'zolarining har biri ko‘rib chiqish uchun
bir necha taxlam ma'ruzalarni olib ketishgan.
Axiyri janob Xauell bosh¬qaruv a'zolarini har safar faqat bitta muammoni
ko‘rib chiqish va uni hal etishga ishontirdi. Hyech qanday paysalga
solish, hech qanday orqaga tashlash yo‘q. Qaror qabul qilish qo‘shimcha
dalillarni izlab ko‘rishni talab etishi mumkin edi, qandaydir harakatni
belgilashni taqozo etar yoki hech qanday chora qabul qilinmasdi. Lekin
biror muammo ham oldingisidan qaror qabul qilinmay ko‘rilmasdi. Janob
Xouelning menga aytishiga ko‘ra, natijalar g‘oyat diqqatga sazovor va
samarali bo‘lgan; muhokamaga qo‘¬yilgan kun tartibi oxiriga yetgan.
Muddati o‘tib ketgan hujjatlar bo‘lmagan. Boshqaruv a'zolari endi
uylariga ma'ruzalar taxlamlarini olib ketmaydilar. Va ular yechilmagan
muammolar bo‘yicha ta'kid etuvchi bezovtalik hissidan qutilganlar.
Mazkur qulay qoida faqat «Yu.S.stil» kompaniyasi bosh¬qaruvi uchun emas, balki siz va men uchun ham juda zarurdir. - Ajoyib mehnat ko‘nikmasi: ishni tashkil etishni, mas'uliyatni zimmaga olishni va nazoratni amalga oshirishni o‘rganing.
Ko‘pgina ishbilarmon kishilarning ajalidan besh kun burun ketishlariga
sabab shuki, ular mas'uliyatni tegishli kishilarga taqsimlamay, barcha
ishni o‘zlari amalga oshirmoqchi bo‘ladilar. Natija-chi? Odam barcha
ikir-chikirlar ichida gangib qoladi, chalkashlik paydo bo‘ladi. Uni
doimiy sarosimalik, bezovtalik, vahima va zo‘riqish egallab oladi.
Mas'uliyatni zimmaga olish og‘irligini bilaman, albatta. Bu men uchun
ochiqdan-ochiq og‘ir, juda og‘ir. Shaxsiy tajribamdan shuni bilamanki,
mas'uliyat tasodifiy kishilar zimmasiga yuklanganida, qanday
falokatlarga olib kelgani ma'lum. Ammo har qanday og‘ir bo‘lmasin,
mas'uliyatni birovlar zimmasiga yuklashni ma'mur hal etmog‘i lozim, agar
bezovtalik, asabiylik va charchoqdan xalos bo‘lsin, desa.
Yirik korxona yaratgan kishi uning faoliyatini tashkil etish,
mas'uliyatni taqsimlash va nazoratni o‘rnatishni o‘rganmas ekan, odatda
ellik-oltmish yoshida yurak og‘rig‘i kasalligiga uchraydi, asabiylik va
bezovtalikka giriftor bo‘ladi. Aniq misol kerakmi? Mahalliy
gazetangizdan o‘lim haqidagi xabarlarni o‘qib chiqing. Buning isbotini
ko’rasiz.
Manba: Maslahat.uz
|
