grfsdfsfsdf...fsdfsd

Aziz bolajonlar, man hozir sizlarga bir ertak so’zlab beraman.
Yaqin zamonlarda, uzoq tomonlarda Abdullajon ismli yosh dasturchi bo’lgan ekan. Kunlarning birida u qaysi dasturlash tilini o’rgansam ekan deb o’ylab qolibdi.O’ylab-o’ylab dunyo kezishga va qaysi til eng yaxshi ekanligini aniqlashga qaror qilibdi. Yo’lga tayyorgarlik qilibdi, qayerlarga borishni va kimlardan maslaxat so’rashni aniqlab olib yo’lga tushibdi.

Yo’l yuribdi, yo’l yursa mo’l yuribdi. Juda ko’p yuribdi. Ba’zida charchab o’z fikridan qaytmoqchi xam bo’libdi. Ohiri so’ramoqchi bo’lganlaridan birichisi- Yaxyo(Yahoo.com) boboning oldiga kelibdi. U o’z yurtining oqil dono kishilaridan,shu sabab ko’p narsani bilar edi. Ayniqsa uning Aypay(API) degan jini bo’lib unga bir o’giz buyruq yetarli edi. U berilgan buyruqqa asoslanib istalgan narsa haqida ma’lumot olib kela olar edi.
— Manga yordam bering bobo, qaysi dasturlash tili eng zo’r, bilolmayabman. debdi yosh dasturchi.
Shu payt Yaxyo bobo o’z jinini chaqirib unga «programming language» deb baqiribdi. Shu payt osmonni qora bulut qoplab, Aypay tezlik bilan qidirishga tushib, ko’p o’tmay bir dunyo ma’lumot bilan qaytib kelibdi. Yaxyo bobo topilgan natijalarning ichidan eng ko’p nazarda tutilganligiga qarab dasturlash tillarining ro’yxatini tuzib beribdi.
Yahoo

Abdullajon bu ma’lumotni kam bilibdi. Endi u maslaxat so’rash uchun Yaxyo bobo yaqinida turuvchi Graig(Graigslist.org)ning oldiga kelibdi. Bu zot ham dunyoda mashxur zotlardan edi. Kimga xizmatkor-mutaxasis kerak bo’lsa shu odamga murojaat qilar ekan.
-Graig aka, manga yordamiz kerak,qaysi til egalarining bozori chaqqon. deb so’rabdi Abdullajon. Aypay Yaxyo boboga xizmat qilishdan tashqari Graig akaning xizmatida xam ekan. Shu sabab Graig aka «Aypay» deb chaqiribdida ,unga tushunarsiz buyruqni beribdi.
-language programmer -«job wanted» site:craigslist.org
Buyruqdan cho’chib tushgan Aypay darrov ishga tushibdi.Osmonni yana qora bulut qoplab, shamol turibdi va soniyaning ichida Aypay ulkan ma’lumotlar bilan qaytib kelibdi. Graig aka Aypay olib kelgan ma’lumotlarni eng qidiriladigan mutaxasislar bo’yicha saralab quyidagi ro’yhatni tayyorlab beribdi.
Craigslist

-Abdullajon endi qayoqqa borasan? Mani tanishim mashxur kutubxonachi, kitob xam bosib chiqaradi. Undan yaxshi ma’lumot olishing mumkin. Ismi Pavel(Powell’s Books — powells.com), qari ingliz. Ko’pchilik Pavel tog’a deb chaqiradi. Shuning oldiga ham borib ko’r, deya maslaxat beribdi Craig aka.
Abdullajon yana yo’lga tushibdi. Uzoq yuribdi. Har hil odamlarni ko’ribdi, har bir uchratgan odami unga turli masalaxatlar beribdi. Kimdur u til zo’r desa kimdur bu til zo’r debdi. Qa’tiylikda ko’pchilikka misol bo’la oladigan Abdullajon yo’lida davom etibdi. Oxir oqibat, Pavel tog’aning kutubxonasiga yetib kelibdi. U yosh edi, ulkan kutubxonasining u boshidan bu boshiga qarab yugurar, tinimsiz kitob nashr etar edi. Abdullajon umrida bunday katta kutubxonani ko’rmagan ekan,atrofga alanglab hayron turib qolibdi Shu payt «kel ukam» deya Pavel to’ga yaqinlashibdi.
-Assalom aleykum, Pavel tog’a, debdi cho’chib tushgan Abdullajon, — Hormang endi, sizni oldizga bir iltimos bilan kelgan edim. Qaysi dasturlash tili eng yaxshi shuni aniqlashda yordam bering, iltimos.
Pavel tog’a o’ylab-o’ylab kitoblarini saralashga va ularning ichida qaysi dasturlash tiliga oid kitoblar ko’pligiga qarab ro’yhat qilib berishga qaror qilibdi. Roppa-rosa 3 kundan keyin quyidagi ro’yhat paydo bo’libdi.
Powell’s Books

Abdullajon ro’yhatni qabul qilib olgach, Pavel tog’adan yana kimning oldiga borish mumkinligi haqida so’rabdi.U esa unga Feruza(Freshmeat.net) xonimning oldiga borishni maslaxat beribdi.Feruza xonim turli ochiq kodli dasturlar yig’ar edi. Barcha Unix simon OS larda o’tiruvchilar uchun qimmatli insonlardan edi. U juda xam ochiq ko’ngil ayol ekan. Abdullajonning iltimosini 2 kunga qolmay bajardi va o’zining ro’yhatini taqdim etdi.U o’z ro’yhatini o’zida mavjud bo’lgan dasturiy vositalarning yozilish tiliga qarab farqlab berdi. Abdullajonni ketishidan oldin unga o’z ustozi Gogi(google.com/codesearch)ning oldiga ham bir kirib o’tishni tavsiya qildi.
Freshmeat

Yo’lida davom etgan Abdullajon ko’p o’tmay Gogining oldiga yetib kelibdi.Gogi xam yosh ekan. Abdullajon uni o’z xonasida o’tirgan holda topdi. Gogi juda xam boy inson ekan, shu sabab juda ko’p dasturchilarga homiylikni o’z bo’yniga olgan ekan. Uning ham ulkan qutisi bo’lib bu yerda ulkan miqdorda turli xil dastur kodlari mavjud ekan.
-Salom Gogi, debdi Abdullajon.O’z iltimosi bilan endi o’giz juftlar ekan.
-Salom Abdullajon, man sani taniyman, san haqingda eshitdim. Eng zo’r dasturlash tili haqida so’rishtirib yurgan ekansan, odamlarim habarini yetqazishdi.Hmmm, kiraverishda qabul xonada o’tirgan qizga uchrasang sanga kerakli ma’lumotlarni berib yuboradi. Faqat aytib qo’yay bizning ro’yhat faqatgina bizning manbada joylashtirilgan dastur kodlari — yozilgan tillar bo’yicha tuzilgan. Shu sabab «Java» oldinda sababi bu tilda juda ham ko’p kod mavjud, «Forth» esa umuman yo’q sababi bu til biz uchun o’lik til. debdi Gogi.O’z minnatdorchiligini bildirgach, Abdullajon kotiba qizdan quyidagi ro’yhatni olibdi.
Google Code

Safarini tugatib, uyiga qaytishni maqsad qilib yo’lga chiqibdi.Yo’lda qayta yotib ikki do’stni uchratibdi. Birining ismi Dilshod (Del.icio.us), ikkinchisiniki Ohunjon(Ohloh.net) ekan. Ular bilan suhbatlashib shuni tushunibdiki ular xam o’zlariga yarasha obro’li odamlar ekan. Ular xam ko’pdan beri ochiq kodli dasturlarni yig’ishar ekan. Dunyoning turli nuqtalaridan har kuni minglab dasturcihlar o’z kodlarini yuborishar ekan. Ular esa o’z navbatida boshqa shu kodlarga muhtoj bo’lganlar dasturchilarga yetqazib berisharkan. Bir so’z bilan aytganda ikkalasi xam savobli ishni yo’lga qo’yishgan ekan. Abdullajonni maqsadini bilishgach Dilshoda quyidagi ro’yhatni beribdi. «Bu ro’yhat dasturlarimizni yozishda eng ko’p qo’llanilgan tillar bo’yicha» debdi u.
Del.icio.us

Ohunjon esa, dasturchilar yuboradigan kodlarninh hajmi bo’yicha ro’yhat qilibdi. «Shu sababdan ham C yuqorida» deb qo’shib qo’yipti.
Ohloh

Nihoyat uzoq safardan so’ng Abdullajon uyiga qaytib kelibdi. Qo’lida mavjud bo’lgan ma’lumotlardan foydalanib o’z ro’yhatini tuza boshlabdi natija esa quyidagi bo’libdi.
Abdullajonning natijasi

Natijani ko’rgach, o’zicha o’ylabdi: Qaysi tilda yozishning farqi yo’q, eng muhimi o’z ishini ustasi bo’lish. Zero bir tilni mukammal bilgan dasturchi uchun boshqa tilni o’rganish umuman qiyinchilik uyg’otmaydi. Bekorga aytishmaydiyu, ustasiga farqi yo’q deb... http://alnet.blog.olam.uz/?p=1026