grfsdfsfsdf...fsdfsd

Yoz kelishi bilan barchamiz muzdek va salqin narsalar tanovvul qilishni istab qolamiz, ayniqsa o’zbekona yog’li ovqatdan so’ng, muzdekkina muzqaymoqning o’rni boshqacha. Shuning uchun bugun sizlarga ajoyib ta’mga ega bo’lgan mevali muzqaymoqni tayyorlashni o’rgatmoqchiman. Bu mevali muzqaymoqning boshqa muzqaymoqlardan farqi shundaki, buni tayyorlashda uning asosini sut tashkil qilmaydi.

Kerakli mahsulotlar:

• 6-7 ta Kivi
• 50 gramm saryog’
• 3 oshqoshiq sut
• 100 gramm shokolad

Kerakli narsalar:

• Chuqur bo’lmagan tovoqcha
• Pichoq
• Muzqaymoq cho’plari

Tayyorlanishi:

• 1Birinchi navbatda Kivini po’stini artishimiz kerak bo’ladi. So’ngra ularni yumaloq shaklda kesib chiqamiz. Ular 2,5- 3 sm qalinlikda bo’lishi lozim. Tayyor aylanalarga muzqaymoq cho’plarini tiqib, muzxonaga joylashtiramiz.


• 2Bu vaqtdan foydalanib, shokoladni olamizda mayda bo’laklarga bo’lamiz. Ularni chuqur bo’lmagan tovoqchaga solib, ustidan sut va saryog’ni qo’shamiz. Yaxshilab aralashtirib, o’rtacha olovga qo’yamiz. Olovda turgan vaqti uni to’xtovsiz aralashtirib turish lozim. Aks holda, shokoladni tagi olib ketishi mumkin.
  
• 3Tayyor bo’lgan shokoladli qiyomni xona haroratida sovutamiz. So’ngra muzlab qolgan kivilarni olib,shokoladli qiyomga botirib olamiz va ularni yana muzxonaga qo’yamiz.

• 4Taxminan 20 daqiqadan so’ng bizni mevali muzqaymog’imiz tayyor bo’ladi. Uni muzxonadan olib, birozdan so’ng dasturxonga tortishingiz mumkin! Yoqimli ishtaha!

Tavsiyalar:

• Kivi harid qilishda, kattaroq va yumaloqrog’ini tanlashga harakat qiling. Aks holda aylanalar ko’ngildagidek chiqmasligi mumkin.
• Shokoladli muzqaymoqning ustiga maydalangan yong’oq ham sepishingiz mumkin.
• Bunday mevali muzqaymoqni uzoq vaqt muzxonada saqlashingiz mumkin, faqatgina uni fol’ga qog’oziga o’rab qo’ysangiz bas.